Para Sa Kanila

Likha ni: April Hazel Gay dela Cruz

Sa 'king pagmamasid-masid,
'Di ko lubusang maisip
Na ilan sa 'ting mga kapatid
Sa pagdanas ng hirap ay walang patid.

Sa ilalim ng init ng araw,
Ang pawis ay laging dumadalaw
Tinitiis ang init upang mabuhay
Sa mundong sila ay walang buhay.

Gusto mang iiyak ang hirap na dinaranas,
Hindi magawa dahil wala nang lakas
Tanging Siya na lamang na nasa itaas
Ang nagbibigay buhay sa diwang walang lakas.

Hindi na maramdaman ang pagod
Pati na ang kasiyahang dapat maramdaman
Dahil sa buhay na ipinagkaloob
Na katulad ng sa kahit na sinuman.

Hindi nila hinihingi ang mga bituin
Ang mga ginto, at mga kayamanan
Ang mga bagay na katangi-tangi
Ang makilala sa buong kalawakan.

Para sa kanila, ang tanging mithiin
ay ang magkaroon ng gabay mula sa Kanya
at ang araw na nagsasabing sila ay buhay
Para sa kanila, ang buhay ang kayaman.


2004
Inilathala 2004 AS